無盡旅途 Endless Journey

11/7/16 雨

 

首爾濟洲之旅 Sue & Raymond 2016 Mar12 - Mar20
#thesweetestcoupleinseoul #thesweetestcoupleinjeju

// Episode 24 // 東大門/寄postcard/弘大夜間/橋川炸雞

Day8 - 19Mar (Sat) 景福宮 北村韓屋村 梨花壁畫村 東大門 弘大

好喇好喇,清晒所有景點,輪到最後一件事,就係俾SueSue去東大門血拼喇!
東大門係首爾既購物之城,九成九都係服飾,有高中低檔次,應有盡有.
上一個禮拜黎東大門,都唔係用左好多時間,所以旅程去到尾聲,預鬆左既時間就可以俾Sue再去逛多陣.
出站途經興仁之門,仲有附近的出口市場,不過望落好up dup似賣師奶野,所以都唔駛睇,直接去行番商場.
奈何做漏左research就GG,原來今日週末,大部分服裝批發市場都係休息,想買平貨就撲空了,sosad.

 

Sue掛住行街睇衫,我就努力去搵可以買郵票既地方,經過一輪折騰,終於響東大門一間舊式文具雜貨店買到個郵票.
韓國啲郵筒唔難搵,但就真係好少地方有郵票賣.去旅行要寄postcard記得平日好去郵局買定先.
但講起啲郵筒,當地人都設計得好細心,會用線掛住支漿糊響郵筒,方便你貼郵票,好窩心.
用最便宜既平郵,結果好似真係差唔多成個月先寄到番香港,lol.

 

夜晚返到弘大,又係另一個世界.
24小時制大家都見慣見熟,但商場開放時間去到28:00又係咩黎咩玩法?!laughcry.
似乎弘大呢邊仲癲過東大門,東大門多遊客,但弘大呢邊就多本地人,亦都開通宵.
同埋弘大星期六晚,可以講係一片又一片既人海,無窮無盡,人群從四面八方湧現聚集埋一齊.
見到咁多人咁擠逼既環境,而且個氣氛又咁熱鬧又高興,真係大開眼界.
呢種人潮,如果類比於香港,就似係除夕大家都走晒出街倒數慶祝咁.
響香港,呢種人山人海只會一年出現幾次.但響弘大,每個週末晚,甚至乎平日晚,都會出現.真係多人得誇張.

 

在韓國的最後豐富一餐,係弘大自由市場附近的橋川炸雞.
已經好夜但仲好多人幫襯,要企響門口排一陣先有位坐.
呢度啲人興以炸雞送酒,雞只係配搭,酒同傾計先係主菜,好有style.
我地呢啲旦求飽肚既人,就叫兩盤炸雞食,食都食滯行唔郁,最後要打包,lol.
一個甜味一個鹹味,兩款都各有千秋,都係咁好味,好難揀中意邊款多啲,最好兩隻味都食,yeah!
橋川炸雞做得出色係因為佢即使落左重口味既醬料,但保持了炸雞既香脆,外皮唔會受醬汁影響而變腍.
而且雞肉又係好新鮮好嫰滑,一絲絲的.呢度既雞無咁大隻,但更有雞味.真心好食.
橋川炸雞係我響韓國食過最好食既炸雞,返到黎香港都食唔番咁好味既.

 

 

Day 8 Album: http://raymondsoso.pixnet.net/album/set/15535109