無盡旅途 Endless Journey

2/8/20 驟雨

政府管治朝令夕改,餐廳堂食禁令彈出又彈入,趁回復番禁座二人既措施,去灣仔Burger Joys用左張好耐之前拎既coupon佢.
Btw都要交代番正值疫情時期,鼓勵大家保護自己,支持醫護,多留在家,非必要就唔好出街,希望國際早日打完呢場硬仗.

話說上年響灣仔返工果陣間中都想試呢間,但成日凝住佢係酒吧,所以無動力去試.
本身以為間鋪好大,但原來相當細,唔係好多座位,依家限左坐一半人數,得番五張二人座位,如果爆場就有排等.
叫左芝士牛肉漢堡同埋魚柳漢堡.呢間既漢堡以鬼佬漢堡店黎講相對比較細,係handy既size.
雖然望落細份,但其實食落都夠飽肚(證明漢堡包熱量真高lol),都ok既.
同埋欣賞佢好細心,有包裝紙包住個包,仲有個紙兜盛載住,方便進食.
我無乜點試牛肉,魚柳就感覺正常,炸得比較勁所以十分酥脆,魚肉肉質幼滑,香蔥十分爽口,麵包都係軟熟既.
牛肉漢堡超多千島醬,我個魚柳包既沙律醬就偏埋左一邊,所以另一邊比較乾.
Crispy garlic chicken wings,似係泰式辣醬,但再甜少少既版本,而且幾辣,炸雞翼都有油香夠滑的,都ok la.
成餐最中意係黑松露薯條,呢個亦係餐廳熱門之選,一上菜已經聞到好香,非常吸引.
響網上睇圖,都無今日現場食呢個咁多黑松露醬,超多超濃郁,就咁食已經夠味,茄汁都唔使蘸.
士多啤梨奶昔就偏甜,同坊間味道差唔多,無乜特別.

整體黎講,呢度既漢堡以同級數鬼佬餐廳比較,味道就算average,因為size細所以性價比就低少少.
不過呢度個薯條真係幾令人surprise,出面比較少有,除非果啲樓上cafe,但食落都覺得呢度比以前食過既出色,將來淨係返黎翻叮呢個就夠.