29/12/22
因為之前忙住搞結婚同plan pre-honeymoon trip行程既野,黎到接近二月中先有時間寫blog.
雖然講左2023年開始唔再就每一套電影寫影評,但呢度係我2022年壓軸一套,加上本身幾好睇值得推介,所以隔左個零月都想寫番.
窄路微塵,響同一導演主理下,個vibe都似濁水漂流,都係好寫實地反映番社會上某一群人既生活,以及面對緊既難關.
今次呢齣,直線抽擊幾年疫情之下,百業蕭條,各行各業都難做,就算食正條水既清潔行業,獨力搞生意都唔容易.
響咁既時勢,夾心階層,或者收入低下既一班人,點樣面對自己,面對前路.呢個係呢套戲表達既諗法.
電影中,飾演清潔公司老闆窄哥的張繼聰,以及飾演失業的年輕單親媽媽袁澧林,一齊合作,希望創出一番事業,但最後都係失敗收場.
好真實,無人講過疫症下搞清潔一定嬴.窄哥自嘲自己連微塵都不如,的確我地每人響地球上都唔算得上係啲乜.
不過,世界變壞,唔等於我地變變.窄哥既一句「個世界係『西』，唔等於要做『西』人」,大大巴刮落現實社會上的卑鄙小人.
睇呢套戲,雖然message有少少沉重,但其實都相當睇得舒服,佢個故事十分簡單,timeline好短,甚或都唔算係一個電影故事,但我就係想睇呢啲.
點樣響簡單既setting之中,呈現唔同人物既心理世界,呢個表達方式一啲都唔易.呢套戲就做到,我覺得好滿意,亦推介俾大家.
文章標籤
全站熱搜
