無盡旅途 Endless Journey

12/3/23 陰

睇番blog先知原來已經有成四年幾無入去大嶼山愉景灣,今日去開東涌shopping,就想一併去埋.
呢幾年呢邊變化都好大,就連東涌站巴士總站都翻新埋,愉景灣巴士站頭都由出面普通上落客區搬番入巴士總站,不過車費加幅就好勁.
巴士基本上好快,15分鐘就入到愉景灣,今次因為泊左車響東薈城,所以要東涌入東涌出,想從愉景北商場直接出市區就麻煩啲.

(繼續閱讀...)

Raymond SoSo 發表在 痞客邦 留言(0) 人氣()

24/1/23 涼

正當網片開始紅起黎,就偏偏遇上疫情.苦等幾年,中間經歷過幾次因為政府突發防疫措施而搞唔到show被逼取消,到最近終於見到曙光.
微辣之前響香港搞左棟篤笑同音樂show都無入場,今次搞「一年之計搞乜春」魔術劇,見有六毫子同加蔥,玩黑店系列,就支持一下.
本身幾期待睇呢場show,終於現場見下佢地,不過到第一場開演後,網上就一面倒負評,將呢個舞台劇批評得體無完膚.
我慶幸睇左第二場尾場,當晚個show睇得出佢地有因應第一晚既comment做過不少調整,希望盡量做得smooth同好睇,唔會有冷場或尷尬既moment.

(繼續閱讀...)

Raymond SoSo 發表在 痞客邦 留言(0) 人氣()

29/12/22

因為之前忙住搞結婚同plan pre-honeymoon trip行程既野,黎到接近二月中先有時間寫blog.
雖然講左2023年開始唔再就每一套電影寫影評,但呢度係我2022年壓軸一套,加上本身幾好睇值得推介,所以隔左個零月都想寫番.
窄路微塵,響同一導演主理下,個vibe都似濁水漂流,都係好寫實地反映番社會上某一群人既生活,以及面對緊既難關.
今次呢齣,直線抽擊幾年疫情之下,百業蕭條,各行各業都難做,就算食正條水既清潔行業,獨力搞生意都唔容易.

(繼續閱讀...)

Raymond SoSo 發表在 痞客邦 留言(0) 人氣()

16/1/23 陰

有部分結婚及big day既感言,都響當日同大家講左.至於內心就仲有一大堆感受好亂,都唔知點樣梳理.
本來諗住費事再寫blog,由得當刻既心情及情感留響心中,但最後都係決定簡單分享下.

婚禮輾轉推遲左兩年,上年亦開始同Sue一齊住,所以big day前後既生活其實無乜大轉變.

(繼續閱讀...)

Raymond SoSo 發表在 痞客邦 留言(1) 人氣()

13/1/23 雨

(註: 今篇主要講述搞婚禮既經歷,有關婚禮內心感言,請留意下集~)

結婚係其中一件人生大事,尤其我同Sue既婚禮由2019年計劃到2023年成真,足足橫跨五個年頭,飲宴都postpone左接近兩年,要講感受真係一匹布咁長.
本來2019求婚果年,好多野都準備得如火如荼,好有憧憬,提早book定,諗住2021年5月22日結婚,中間有咁多時間可以慢慢搞,同埋預一個summer去歐洲影pre-wedding.
點知轉個頭到2020年就遇上疫情,通關遙遙無期,打亂左我地既婚攝計劃,結果間接拖遲了big day及婚宴.

(繼續閱讀...)

Raymond SoSo 發表在 痞客邦 留言(0) 人氣()

23/12/22 晴

今年既生活回顧其實有啲難寫,因為好似無乜特別野做過,而且去到近期都忙於籌備婚禮既野,日日都好忙做好多野.
所以今年都遲左少少寫呢篇回顧,一來無時間,二來的唔起心肝寫,haha.
今年係電影年,睇左好多套香港電影,支持本地影壇.
本身我自己都睇開港產片,但唔知咩原因,社會突然興起呢個熱潮,都係好事黎既.

(繼續閱讀...)

Raymond SoSo 發表在 痞客邦 留言(0) 人氣()

15/12/22 陰

繼上月去左M+之後,蠢蠢欲動,參觀埋香港故宮文化博物館.
星期三免費入場就唔輪到我架喇,用埋旅遊平台既積分,以超平價買普通門票入場就算.
當年故宮博物館響爭議聲中落實興建,依家成為西九文化區其中一個重要地標.
故宮博物館展示九百多件來自北京故宮博物院的珍貴文物,有啲就由收藏家轉贈.

(繼續閱讀...)

Raymond SoSo 發表在 痞客邦 留言(0) 人氣()

21/12/22 晴

闊別九年,終於有幸再次入場睇陳奕迅演唱會,Fear and Dreams Eason Chan in Concert.
上一次係Eason狀態最低時期,質素一團糟,之後經歷過社會不穩及後續既政治事件,疫情,終於黎到復常之時成功開show.
搶飛越來越困難往往要靠黃牛,今次用較抵既價錢買到第9行較前既座位,側面睇concert.
坐得咁前真係第一次,以前去紅館,從來都係走廊向上爬,都未試過向下落,連走廊level既位都未坐過.

(繼續閱讀...)

Raymond SoSo 發表在 痞客邦 留言(0) 人氣()

Raymond SoSo 發表在 痞客邦 留言(0) 人氣()

21/12/22 晴

四年一屆既世界盃,難得有免費電視直播,加上球賽時間都唔曳,我地呢啲忽然球迷都要趁下氣氛.
今屆小組賽有不少爆冷賽果,弱隊反勝強隊,真係Impossible is Nothing.
去到尾段,克羅地亞對日本,兩隊都中意,是旦一邊嬴都好矛盾,結果克羅地亞嬴出點球擠身八強.
去到八強戰,全部人都唔睇好佢地,覺得巴西雖然唔算表現突出但都會嬴到,點知佢地力克巴西守和,再次憑十二碼取得勝利.

(繼續閱讀...)

Raymond SoSo 發表在 痞客邦 留言(0) 人氣()

15/12/22 陰

相隔十幾年,美國史詩式科幻電影阿凡達續集,阿凡達：水之道,正式登上大銀幕.
當年細個無錢入場睇IMAX,結果去到今年前排先入場睇番上集.
不過咁樣仲好,起碼等我清晰地了解番上集劇情,唔怕自己隔左咁多年會唔記得.
話說開畫首兩日入場,會送海報同紀念門票,反正都係自己睇呢齣超過三小時既長片,索性揀平日朝早去Megabox睇.

(繼續閱讀...)

Raymond SoSo 發表在 痞客邦 留言(3) 人氣()

Raymond SoSo 發表在 痞客邦 留言(0) 人氣()