4/3/17 和暖
曼谷之旅 Sue & Raymond 2017 Feb22 - Feb27
#thesweetestcoupleinbangkok
// Episode 2 // MBK Center/Siam Discovery/橋村炸雞
Day1 - 22Feb (Wed) MBK Center / Siam Paragon / Siam Square One
話說特登過對面馬路的MBK Center,就係為左延續上年韓國之旅的美味傳說 --- 橋村炸雞.
香港無橋村炸雞,反而泰國有,所以梗係要去食...點知,黎到商場再search google map先發現橋村炸雞剛剛結業?!
OMG!難得我地期待左咁耐,由香港期盼到依一刻,一心一意來到曼谷,第一餐係食橋村,竟然來到先知執左,真係sosad.
但因為已經係下午三點幾,飛機餐又食唔飽,真係好肚餓,所以焗住是旦響商場搵一間食住少少先,再過去橋村炸雞新鋪食.
呢間叫做Nova Kitchen,似係中泰式餐館,叫左個黃咖哩蟹肉蛋白,另外泰式濕炒河.
終於體驗到泰國食野既份量,果然碟粉幾細,響香港僅僅係一人份量,兩個人食其實食唔到幾多.
順帶一提,MBK Center應該係Siam區最低檔商場,賣既野的確平,不過似師奶商場多啲,我地無乜興趣行,想花時間行左靚既商場先,所以響超市買完水,就直接過番天橋去Siam系列商場.
MBK Center外面有市集,都有啲小食車仔檔,路邊攤,經過買左第一杯泰式奶茶,沖得好好飲,預計到我地今次旅程應該會飲好多杯,哈哈!
首先進入Siam Discovery,呢個商場行型格風,賣既野似係高級fashion,係我地afford唔到果啲.
所以,好快望兩眼又可以skip,當已經行左呢個商場,lol.因為我地眼前首要目標,就係衝去食橋村炸雞!
沿google map指示,走過曼谷街頭,終於去到Center Point of Siam Square,見到橋村炸雞喇!
唔知泰國人中唔中意食橋村炸雞呢?我響其他地方都見唔少韓國炸雞店,但橋村係sell雞翼,唔知岩唔岩泰國人口味.
已經差唔多下午五點時間,非繁忙時間所以餐廳內都無乜食客.雞翼生鮮即炸,所以真係要等一段時間.
泰國人食量少,所以餐牌都係每兩至四隻咁叫,唔似韓國果啲一大盤.
不過呢度既煮法及味道跟韓國真係有好大分別,呢度比較多汁,同埋更加味濃.
所謂的原味雞翼,其實係醬油味,會多左醬油的鹹味,並非一般普通炸雞的味道.
至於我響韓國食覺得好正的蜜糖味,呢度整到好似係咕嚕肉咁,酸酸甜甜,好搞笑.
不過雞翼雖然好多汁,但外皮依舊香脆,並無因為太多汁搞到腍晒咬唔開.
整體與韓國相比,泰國呢邊個味道係差幾皮,唔係點食得番韓國果個味道,不過能夠過下橋村口癮,已經好正好滿足了~
想知到底橋村有咩威力,令到我地咁著迷,去到泰國都要食番?...就要重溫首爾濟洲之旅遊記喇~
食完炸雞,再穿過商場兜番上Siam BTS站外露天廣場,響噴水池影過相,就即刻進入最大的Siam Paragon.
MTR層都係環球名店,有化妝品牌旗艦.上層有更多服飾及各樣店鋪,不過都有唔少for local既店鋪,人流亦較為冷清.
