山寨七星孤兒仔電話 特約
《SoSo Blog六周年慶典閉幕典禮》
(在一片拍掌喝采聲中，兩位主持邁步走上舞台)
利孝和：係！無錯！黎到慶典最後一個節目，亦係最終一幕！
夫人：大家好！歡迎黎到今日閉幕典禮！
利：追睇開soso blog的你唔駛擔心，soso blog唔係執笠，SoSo會繼續寫blog架。
夫：無錯，標誌住新時代的開始，今日之後，soso blog會正正式式成長。
利：亦係我地一眾角色告別大家的時候…再次有請開blog以來出現過的人物角色。
夫：等我地逐個回顧佢地出現的緣由啦，太多人物喇我地無講就當唔記得左啦。
利：先講我地自己啦，話說半周年慶典SoSo要搵人做emcee，聽見電台森美移動笑談廣東話，有森美聲演的利孝和，Leo聲演的夫人，一唱一和，好合拍，於是就搵左我地喇…
夫：哈哈，仲封我地做金牌司儀添！
利：靈魂人物Miss Diamond，其起源為多年前，電台梁奕倫主持萬王之王，有一part Miss Diamond的環節，很搞笑，因而成名，變成教授俚語的專家，以環遊世界為興趣！
夫：另一位傳奇人物凡人蘇，個名點黎我都唔知喇，或者追睇番舊時新疆鴨仔團blog劇search下啦。
利：凡人蘇的確係從新疆過黎香港的，不過由始至終無人追問過點解佢識講廣東話，哈哈！
夫：只可以話，當年SoSo有幸在尖沙咀街頭偶遇凡人蘇，就萍水相逢因而相識，一合作就兩年了。
利：繼續介紹和回顧在不同blog劇出現的人物。
夫：貞子好似係拍靈怪blog劇果陣，連同兩位茅山師傅一併聘請過黎。
利：佢最叻就係水晶球占卜嘛，係我地團隊僅餘的女將。
夫：至於再早期BB娃娃菜同埋Ray少~，呢個名稱就無乜特別意義喇應該…
利：咁鬼線人同埋長頸鹿giraffe呢？
夫：鬼線人的出現係因為當時明珠台電視劇鬼線人Medium，跟住就加左個prefix零時零分落去，增添呢個角色既神秘感…
利：但後期都簡略地叫番佢做鬼線人算了，哈哈。
夫：至於長頸鹿giraffe因為人生得高，頸又長，因而得名。
利：丫我地仲有兩位幕後工作人員…99號仔，當年省港盃球評撰稿員，足球愛好者，對op機有純熟的技術和經驗，我地典禮的操作都要靠佢。
夫：當然唔少得我地的監製柯金啦！柯金呢個名的來由係早年某套TVB劇集中冼灝英飾演的角色。
利：柯金識得大聖劈掛門，好厲害架！
夫：好啦，人物回顧都差不多，如果仲有人物漏左無講，請多包涵，因為時間太奈，記唔晒喇。
利：現在有請老闆SoSo上台，為今日閉幕典禮講幾句話。
S：Hello大家好！多謝你地收睇是次慶典，今次係總結及重溫blog的早期角色人物，若果你地睇唔明就算啦……其實今日係同佢地送別，講farewell，之後唔會再見佢地架喇。
利：包括我地兩位emcee，好唔捨得大家。
S：天下無不散之筵席，你地陪我一起走過呢幾年，我真係要多謝晒你地！
夫：嗯，我地都開心可以參與其中，經歷了幾年，大家各自都成長，現在係適當時候展開新階段新里程。
S：大家放心，雖然我唔知仲會寫幾奈blog，但短期內，你當年尾又好幾年後又好，我仲會繼續寫blog。
利：同埋音樂節目丫嘛！…好啦，真係黎到尾聲嘞，大家掛住我同夫人的話，就重溫咁多屆既慶典archive啦！向大家送上最真摰最衷心的祝福！希望soso blog繼續順風順水！
夫：利孝和，我地唔駛再做emcee，不如搵Miss Diamond，佢咁多錢用唔晒，叫佢請我地環遊世界啦！
利：好啦，去嘆下世界都好，咁我地兩個走先喇，哈哈，一齊同大家講聲…
兩人：拜拜！再會！
(利孝和、夫人與SoSo互相握手擁抱道別。舞台燈光較暗，現場播放本年度慶典主題曲)
* * *
虛幻故事純屬虛構
熱切鳴謝：正觀看此網誌的您！
主辦：SoCWon
Group
出品人/舞台總監：SoSo
天生一對金牌司儀：利孝和 夫人
慶典主題曲：Olivia Ong – Invisible Wings
技術支援：YouTube Facebook
