無盡旅途 Endless Journey

12/2/16 回暖



話說1月13日呢個blog出左個post,叫做「2016 戰線全啟」.
估唔到,不足一個,呢個戰線已經爆發出黎.大年初一旺角開年.
民怨沸騰,怨聲載道.689既罪狀,罄竹難書,詳見文末.

子彈射出了,磚頭擲過了,大家都郁手打過了.
我無咩好講,只能話,不管認唔認同呢班示威者既做法,呢種局面,將陸續有來.
和理非非行唔通,佢地就用佢地「自己的方式」去解決.

你可以唔出聲,袖手旁觀,隔岸觀火.但總不能譴責佢地.就算係泛民我都會照小佢地.
人地做左咩,你又做過啲咩.你有咩資格去譴責佢地.

的確,學生哥,應該專心讀書,學咩人出黎搞事幹.
岩呀,因為搞事幹呢家野,應該係你地大人做.點解你地唔做,要啲年輕人出黎做?
因為你地啲大人都係既得利益者,過慣安穩生活,唔敢承受改變帶來的衝擊.
但年輕人唔同,佢地響香港無利益,見唔到將來,但就俾暴政強權及大陸人蝦到上心口.
你地大人唔認同年輕人做法,唔幫手都算,甚至唔保護年輕人都唔緊要,但你唔好譴責佢地唔該.
你地無為下一代爭取過,就唔好鬧佢地用佢地既方式爭取.

以前,講起魚蛋,我地會諗起黃子華的魚蛋論.

 

今日,魚蛋變成另一個政治symbol.
我仍然相信這是歷史的一個偶然,但爆發過後,就自然會有第二次第三次重演了...
有些撕裂已經做成,就回不了頭.
依一刻,最開心既,就係689.
香港人,只能自求多福.

Share一個短短的電台劇: https://www.facebook.com/ningningningbbbbb/videos/436300929895835/

689及其班子上台以來的各種政治醜聞,管治危機及風波爭議:

香港特別行政區政府梁振英特首及其班子上台以來的各種政治醜聞，管治危機及風波爭議
西九設計比賽漏報利益風波(未上台)
梁振英大宅僭建風波
麥齊光曾景文涉貪案
陳茂波涉嫌經營劏房及避稅事件
香港境內水貨客問題
反國民教育運動
新界東北發展計劃
陳茂波酒後駕駛爭議
香港數碼廣播停播風波
南丫島撞船事故海事處失職爭議
龍尾灘發展爭議
林奮強偷步賣樓爭議
長者生活津貼資產申報爭議
推出買家印花稅爭議
劉夢熊指控梁振英說謊爭議
梁振英發律師信給練乙錚爭議
中國大陸人士搶購香港奶粉事件
2013年至2014年度財政預算案撥款爭議
香港政府「盲捐」一億予四川省政府爭議
張震遠香港商品交易所爆煲欠下龐大債務
啟德發展計劃體育城保留與否的爭議
垃圾堆填區擴建爭議
林慧思老師事件
興建垃圾焚化爐爭議
陳玉峰被低調通緝事件
梁振英多次迴避港人平反六四訴求
招顯聰兩度被拘捕又釋放事件
利用或煽動愛港力、愛港之聲、香港青年關愛協會、齊心行動、幫港出聲等親共組織撕裂香港
中央政策組全職顧問高靜芝越權任命公職爭議
邵善波調整中策組工作惹起爭議
中策組收回教資會轄下研究資助局的二千萬政策研究撥款權惹起爭議
任命香港非永久居民陳冉為公務員惹起爭議
梁振英天水圍落區涉及黑社會引爭議
陳茂波涉嫌在新界東北發展計劃有利益衝突爭議
開發香港郊野公園引起社會爭議
APEC首腦會議菲律賓人質事件港菲官員會面爭議
港視HKTV不獲發牌照引起爭議
中環興建軍事碼頭爭議
高鐵工程超支延期，不斷追加撥款引起爭議
梁振英涉嫌貪污收取澳洲企業UGL約5000萬港元
銅鑼灣書店老闆員工包括李波等5人被公安越境拘捕事件
831人大制定假普選，引發928事件，及雨傘運動
機場擴建第三條跑道爭議
區議會各區一億元大白象計劃爭議
梁振英籲商界勿捐錢予本地大學引起爭議
強行通過成立創科局，浪費公帑益梁粉
2016施政報告出現44次「一帶一路」，離地政策引起爭議
2014中共發表一國兩制白皮書收緊香港自治
全港屋邨鉛水風波
港大校委否決陳文敏出任副校長風波，原因千奇百怪引爭議
梁振英任命教育界沙皇李國章為港大校委會主席，引發學生廢除特首校監必然制
張曉明指香港特首地位超然言論惹爭議
劉進圖遇襲逾萬人遊行捍衛新聞自由
財委會強行通過新界東北發展前期撥款，吳亮星手法惹爭議
匿港九年大陸童肖友懷自首風波，居留權引發爭議
TSA增加香港學生學業壓力，政府欲保留引爭議
貨櫃碼頭工人罷工40天終獲加薪9.8%
梁振英未兌現競選承諾設立標準工時及取消強積金對沖安排
蘋果日報大樓和壹傳媒創辦人黎智英的寓所在凌晨先後遭人投擲三枚燃燒彈襲擊
2015施政報告，特首打壓言論自由，批評港大學生會刊物《學苑》編寫的香港民族論
政府與新世界集團以夥伴合作模式擴建星光大道被指官商勾結引發爭議
林鄭月娥形容自己「官到無求膽自大」引爭議
梁振英次女梁齊昕自殺風波
當年領導六七暴動的楊光舉殯，獲中聯辦主任、特首送別，引起爭議
政改方案8票支持，28票反對，被大比數否決
學民思潮召集人黃之鋒與女友錢詩文晚上在大角嘴榆樹街遇襲
政府強行通過網絡廿三條，無視網民要求加設「公平使用」條款
先後任命劉江華出任政制及內地事務局副局長及民政事務局局長，引發爭議
港珠澳大橋工程爆出醜聞，人工島錄得移動，工程無法在2016年底完工
政府任命反佔中律師陳曼琪及要求解散嶺南大學學生會的律師會前會長何君堯為嶺南大學新校董，引發爭議
公共醫療醫生協會發起靜坐抗議行動，不滿醫管局拒絕跟隨高級公務員加薪3%
特首梁振英Facebook帳戶，被揭與多名台灣性感少女交友，疑被黑客入侵。
退休保障諮詢文件出爐，政府扭曲港大教授周永新的方案是不論貧富，預設立場假諮詢引起爭議
大年初一晚上，旺角因為警察及食環處打壓掃蕩小販，引發警民流血衝突。
暗角七魔警圍毆曾健超事件
朱經緯警司亂用警棍襲擊途人事件
屯門良景警察與黑社會合作打壓夜市小販事件
教育局鼓勵普教中棄廣東話引爭議
高鐵一地兩檢涉違基本法引爭議
建制派議員提出國安法納入基本法附件三代替廿三條引爭議
律政司決定不起訴前廉政專員湯顯明涉嫌貪污腐敗案引起爭議
2015區議會選舉中出羊子發選舉通函違憲爭議

來源：
https://www.facebook.com/cheungchun.alex/posts/10153851949419098