無盡旅途 Endless Journey

23/4/22 熱

晚市堂食終於回歸,第一餐堂食dinner係響尖沙咀美麗華廣場新開既打卡cafe,MUTA Restaurant.
呢間原來係ATUM Restaurant既姊姊店,係日西fusion,鋪頭內有他他米座位,可以盤膝坐住食.
因為早去關係都唔駛點等位,排一陣就入座,上菜速度都幾快,而食物款式唔算十分多,餐牌亦無圖片,要靠Openrice睇.
明太子雞翼,一共四隻上檯,味道符合預期,雞翼包住辛味明太子,呢款明太子確實有少少辣勁,整體水平就無以前響其他餐廳食過咁出眾.
壽喜燒牛肉蛋汁燉飯,學193話齋,cafe通常都係呃錢,但呢度既燒牛肉份量都算多,無呃秤,食到尾都仲有餸,而且個sukiyaki汁都ok,略帶偏鹹.
蟹肉蟹膏燉飯,呢個有驚喜,飯面鋪上蟹肉碎,蟹膏味道都好出,有海水既鮮味,同risotto融為一起,意想唔到個味道咁夾咁襯.
本身呢間鋪係sell下午茶afternoon tea set仲有類似多士set之類,但發現佢地整意大利飯都幾出色,設計既口味都幾獨特同成功.
價錢黎講以尖沙咀商場鋪地段都算正常,如果咁岩餐廳人少少唔駛排長龍,都可以一試.