27/11/22
星期日好歌 #298 Kong/好人 小肥/Joey Tang 鄧建明
最後幾集,小肥呢位男歌手係我指定必選,因為佢實在值得得到大家既肯定.
所謂新不如舊,一代不如一代...呢句說話或者岩,但又唔岩得晒.總之,有實力,有功架,就應該被大家欣賞.
我認為當年小肥只係差一個機會,否則佢星途一定比今日好得多.
小肥有唱功,把聲好聽,首歌就算唔係自己作品,都用心,落足100%心機去唱.
觀賞佢既live,你會感受到佢既投入及認真.有啲歌曲,小肥唱得甚至比原唱者好聽.
小肥上Viutv既Chill Club,大部分現場演唱作品前排被我不斷loop,實在聽出耳油.
要響云云眾多作品中揀一首出黎推介,真係唔容易.
最後揀選呢首串燒歌,小肥與Joey Tang合唱,來自側田,Kong/好人.小肥有實力,Joey Tang有功架.
Chill Club改編作品不嬲都正,而呢首將兩隻歌撞埋一齊又意想不到地match,難怪大家都中意.
文章標籤
全站熱搜
